• “Meqa Həyat Sığorta" Şirkəti 17.09.2019-cu il tarixində İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsinin Hüquqi şəxslərin dövlət qeydiyyatı idarəsi tərəfindən dövlət qeydiyyatına alınmışdır.

  “Meqa Həyat Sığorta” Açıq Səhmdar Cəmiyyətinin nizamnamə kapitalı 11 000 000 AZN təşkil edir və şirkətin təsisçisi 100% payla “Meqa Sığorta” ASC-dir.

  “Meqa Həyat Sığortaya" “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növü üzrə fəaliyyət göstərməyə icazə verilmişdir. 

• 
  

• Təklif etdiyimiz həyat sığorta məhsulları:

  • İcbari Həyat Sığortası
  • İpoteka Həyat Sığortası
  • Həyatın Yaşam Sığortası
  • Korporativ Həyat Sığortası
  • Kredit Həyat Sığortası
  • Güvənli Həyat Sığortası

"Meqa Həyat Sığorta" şirkətinə AR Mərkəzi Bankı tərəfindən lisenziya verilmişdir.

19.02.2021-ci il tarixində Azərbaycan Respublikası Mərkəzi Bankı tərəfindən “Meqa Həyat Sığorta” Açıq Səhmdar Cəmiyyətinə həyat sığortası üzrə sığorta fəaliyyəti göstərməyə icazə verən SF-0006 nömrəli lisenziya verilmişdir.

"Meqa Həyat Sığorta" şirkəti artıq bu icbari sığorta növü üzrə xidmət göstərəcək:

09.03.2021-ci il tarixində “Meqa Həyat" sığorta şirkəti İcbari Sığorta Bürosunun iştirakçı sığortaçıları reyestrinə daxil edilmiş, 12.03.2021-ci il tarixində isə Azərbaycan Respublikası Mərkəzi Bankı tərəfindən “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növü üzrə fəaliyyət göstərmək icazəsi verilmişdir. 

"Meqa Həyat Sığorta" şirkəti ipoteka kreditləşməsi üzrə müvəkkil  sığortaçılar siyahısına daxil edilmişdir. 

26.05.2021-ci il tarixində “Meqa Həyat" sığorta şirkəti Azərbaycan Respublikası İpoteka və Kredit Zəmanət Fondunun ipoteka kreditləşməsi üzrə müvəkkil sığortaçılar siyahısına daxil edilmişdir.

"Meqa Həyat" və "Insure.az" Express Həyat" sığorta məhsulunu istifadəyə verib.

“Meqa Həyat” sığorta şirkəti və “Insure.az” - Online Sığorta Portalı Azərbaycanda ilk dəfə olaraq həyat sığortası üzrə tam olaraq online şəkildə əldə edilən “Ekspres Həyat” sığorta məhsulunu istifadəyə verib.

"Meqa Həyat" şirkəti onlayn müraciət və şəxsi kabinet platformasını istifadəyə verib.

Həyatın Yaşam Sığortası məhsulu üzrə müştərilərin rahatlığını təmin etmək və eyni zamanda sorğuların operativ cavablandırılması məqsədi ilə “Meqa Həyat” sığorta şirkəti https://my.megalife.az/ onlayn müraciət və şəxsi kabinet platformasını istifadəyə verib.

"Meqa Həyat" "Acıbadem" ilə əməkdaşlıq müqaviləsi bağlayıb.

“Meqa Həyat Sığorta” Türkiyənin ən böyük tibb müəssisələrindən olan “Acıbadem Sağlık Hizmetleri ve Ticaret A.Ş.” ilə əməkdaşlıq müqaviləsi bağlayıb.

Meqa Sığorta Qrupunun Təlim Mərkəzi fəaliyyətə başlayıb.

2023-cü ilin iyul ayından etibarən "Meqa Sığorta Qrupu"nun daxili resursları hesabına yaradılmış və sığorta sahəsində bilik və bacarıqların artırılmasına, eləcə də kadrların peşəkar inkişafına hədəflənmiş Təlim Mərkəzi fəaliyyətə başlamışdır. “Meqa Təlim Mərkəzi” adı ilə fəaliyyət göstərəcək Mərkəzin əsas məqsədi sığorta sahəsində professionallığın artırılmasına, kadrların şəxsi və peşəkar inkişafına, komandanın qoyulan hədəflərə daha tez və effektiv çatmasına xidmət göstərməkdir. Təcrübə səviyyəsindən asılı olmayaraq, hər bir əməkdaş peşəkar bacarıqlarını inkişaf etdirmək üçün müvafiq təlim proqramlarında iştirak edə biləcək.

"Meqa Həyat Sığorta" Şirkəti ISO beynəlxalq standartları çərçivəsində "Keyfiyyət idarəetmə sistemi" və "Müştəri məmnuniyyəti idarəetmə sistemi" üzrə "ISO 9001:2015" və "10002:2018" sertifikatlarını əldə etdi.

13.02.2023-cü il tarixində “Meqa Həyat Sığorta" şirkəti ISO beynəlxalq standartları çərçivəsində “Keyfiyyət idarəetmə Sistemi” və “Müştəri məmnuniyyəti idarəetmə Sistemi” üzrə sertifikatlaşmadan uğurla keçərək “ISO 9001:2015” və “ISO 10002:2018” sertifikatlarını əldə etdi. Beynəlxalq standartlara uyğun auditin uğurla yekunlaşması və İSO sertifikatlarının əldə edilməsi “Meqa Həyat Sığorta” ASC-nin  fəaliyyətinin 3-cü illiyinə təsadüf etməsi şirkətin yüksək keyfiyyət standartlarına və müştəri məmnuniyyətinə sadiqliyini bir daha təsdiq edir.

IFRS hesabatı.

“Meqa Həyat Sığorta” ASC “Grant Thornton" beynəlxalq audit şirkəti tərəfindən Maliyyə Hesabatlarının Beynəlxalq Standartlarına (IFRS) uyğun olaraq audit olunub.

"Meqa Həyat" şirkətinin yeni Mərkəz filialının açılışı oldu.

Müştərilərə göstərilən xidmət səviyyəsinin daha da artırılması, eləcə də yeni sığorta agentlərinin hazırlanması və peşəkarlığının yüksəldilməsi məqsədi ilə Meqa Həyat Sığorta Şirkətinin Mərkəz filialı fəaliyyətə başlayıb. Yeni filial sığorta məhsullarının əlçatanlığını təmin etmək, keyfiyyətli xidmət göstərmək, eləcə də təlimlərin keçirilməsi üçün bütün zəruri şərait və imkanlarla təmin olunub.

Meqa Sığorta Qrupu Xankəndidə filial açdı.

Azərbaycanın ərazi bütövlüyünün bərpasından sonra Xankəndi şəhərində filial açan ilk sığorta şirkəti “Meqa Sığorta” ASC və “Meqa Həyat Sığorta” ASC oldu.
23 noyabr tarixində Meqa Sığorta və Meqa Həyat Sığorta şirkətlərinin rəhbər heyəti Xankəndi şəhərində “Qarabağ” filialının açılışını edib. Qarabağ iqtisadi rayonunda fəaliyyət göstərən hüquqi şəxslərə və fərdi müştərilərə xidmət göstərəcək yeni filial həm həyat, həm də qeyri-həyat sığortası məhsulları təqdim edəcək.
Yeni Qarabağ filialı müştərilərə istər icbari, istərsə də könüllü sığorta məhsullarının əlçatanlığını təmin etmək, eləcə də, yüksək səviyyədə keyfiyyətli xidmət göstərmək üçün bütün zəruri şərait və imkanlarla təmin edilib.